اعراض الناس سواء ياسر والا غيره
السلام عليكم ورحمة الله وبركاته
بغض النظر من يكون ياسر القحطاني تراه بشر وكيان, وعرضه مو مباح
سواء ياسر او غيره بس انا قلت ياسر وضربت فيه مثل لانه اقرب مثال حي
وش تحسون فيه ماخليتوا شي فيه صاحي
كل هذا حقد على الهلال صرنا نستحل اعراض الناس عشان ميول رياضي
وع عوذا عوو يع بكل لهجه اقول من جد شي مقرف
شي صار عادي وصار في كل مكان وفي كل مجلس وشارع ومنتدى
التطرق لاعراض الناس صار موضوع عادي اي احد يقدر يهتك بعرض والناس تضحك
طيب الحين الي هتكت عرضه تدري من يكون او تدري بتفاصيل حياته
تدري انه اقرب لربه منك يمكن. يمكن انه يبر والديه يمكن انه كافل ايتام
يمكن انه يتصدق في سبيل الله ...مافي احد خالي من العيوب ولا الاغلاط
حتى لو انه غارق في المعاصي حسابه عند الله مو عندك ياانسان يالي انت يالله تخارج
عمرك
انا ماجيت اتفلسف على روسكم وانصح انا ماني كامل وكلنا غير كاملين
الواحد قبل مايتكلم في عرض اي احد يتذكر ان في بيته ام واخت واخ او زوجه وبنت وابن
يخاف عليهم وعلى عرضه لانه من هتك عرض بالكلام اوبالفعل يجيه غيره يهتك عرضه
انت يالي تكلمت على اعراض الناس ماشاء الله اخوك ماشاء الله مايغلط ولا يعرف الغلط
وولدك عاقل ومودب وولد عمك مايروح البحرين ولا عنده جواز
وخالك وعمك مايحلقون اللحيه وولد خالك مايعرف ريحة الدخان
بعد اذنك
اجل قل الامطار من وين. المعاصي الي تصير من يسويها
انا ماقلت ان العالم كلها مخطيه بس اقول الي بيته من قزاز لا يرمي الناس بحصى
هيه اصحوا ياناس ترانا مسلمين وعندنا شرع شرعنا يحاكم القاذف
حط نفسك في مكان الي قذفته
تخيل ان عندك قضيه بالمحكمه قذف عرض مسلم او مسلمه؟؟؟؟؟
تشوف بنت لابسه غلط ماتقول تراها قح؟؟؟
مثلا واحد شعره طويل او انه لابس غلط
ماتسبه وتقول هذا شاذ او تقذفه وتقول خن؟؟؟؟
او واحد يدخن وتقول داشر
يااما انك تنصحه او توجه... السب والقذف موب حل
يعني تتوقع اذا سبيته او سبيتها بيصلح حالها
ادع ان الله يهديه ياخي سو خير بحياتك ينفعك
تدري لو شهد عليك الناس تصير مدان.. بكلمه تعتقد انها صغيره من اربع حروف
الصور المستخدمة
التصميم
